Skip to main content

அம்மா வந்தாள் - வாசிப்பு அனுபவம்


தி.ஜானகிராமனின் அம்மா வந்தாள் நாவல் பவா செல்லத்துரையின் கதையாடல் மூலமே எனக்கு அறிமுகம் ஆனது. நாவலின் கதைக்களம் மற்றும் அது பேசும் விசயம் என்னை வாசிக்க தூண்டியது. நேற்று தான் படிக்க தொடங்கினேன். புத்தகத்தை வைக்க மனமே வராததால் தொடர் வாசிப்பாய் முடித்தேன். பல வருடங்களுக்கு பின் தொடர் வாசிப்பில் முடித்த புத்தகம் இது, அதுவே பெருமகிழ்ச்சி தந்தது.

கதைக்கருவும், எழுத்து நடையும் நம்மை இதனுள் மூழ்கடித்து விடுகிறது. மனித வாழ்வு சாஸ்திரம் , சமூக கட்டுகளால் அன்றி மனித உணர்வால் மட்டுமே கட்டமைக்கப்படுகிறது என்பதே கதையின் நோக்கு.

தி.ஜாவின் மொழியும் , சத்தமின்றி சமூக புறையோடல்கள் மீது சாட்டையை சுழற்றும் வித்தையும் பிரமிக்க வைத்தன. இந்நாவலில் நாகரீகத்தின் உச்சம் நாங்கள் தான் என ஏமாற்றும் பிராமணர்களின் அடி மடியில் கைவத்திருக்கிறார். இந்த நாவலுக்காக தி.ஜா வை ஊருக்குள் வர தடை விதித்திருக்கிறது அவர் கிராமம். ஆனால் இவர் பேசிய விசயத்திற்கு இதெல்லாம் குறைவு தான்.

1960 களில் பெண்களின் விருப்பு, வெறுப்புகளை கணக்கில் கொள்ளாமல் குடும்ப கவுரவம், சாதி, ஆச்சாரம், பண்பாடு என பலவற்றின் பெயரால் தீர்மானிக்கபட்டு பெரும் அழுத்தத்தில் சென்று கொண்டிருந்த இரு பெண்களின் வாழ்வு தான் கதையின் அச்சாரம். பின் அவர்கள் தங்கள் மன விருப்பப்படி வழக்கத்தை  உடைத்து , தங்கள் வாழ்வின் நிகழ்வுகளை விருப்பப்படி தேர்ந்தெடுக்கிறார்கள். இப்படியான அவர்களின் மீறல்கள் மற்ற கதாபாத்திரங்களின் வாழ்வில் ஏற்படுத்தும் மாற்றத்தை மிக எதார்த்தமாக எழுதியுள்ளார் தி.ஜா.

அப்பெண்கள் இருவரின் மீறல்களுக்கான நியாத்தை பெண்கள் மீதான கனிவோடு அதே நேரத்தில் கம்பீரமாகவும் சொல்லியிருக்கிறார் ஆசிரியர். அவரின் இந்த மாதிரியான வெளிப்பாடு எனக்கு மிகவும் பிடித்திருந்தது.

பிராமண சமூகத்தின் ஆணாதிக்கத்தையும், பிற்போக்குத்தனங்களையும், வேதங்கள், புரோகிதம் போன்ற பித்தலாட்டங்களையும் பல இடங்களில் சாடியிருக்கிறார். அதோடு ஆண், பெண் உறவின் உளவியல் சிக்கல்களை நுட்பமாகவும் , மிக ஆழமாகவும் பேசியுள்ளார். வருடங்கள் பல கடந்தும் இன்றும் பெரும்பாலான பெண்களின் வாழ்வு இந்நாவில் இருக்கும் நிலையிலேயே இருப்பது தான் நம் சமூகத்தின் கேவல நிலை.

காவிரி, வயல் வெளி, அமைதி, அன்பான மனிதர்கள் என கிராம வாழ்வின் அழகியல்களையும் கதைக்கு இடஞ்சல் தராமல் போக்கிலே மிக அழுத்தமாக சொல்லியிருக்கிறார். குறிப்பாக பெண்களின் அழகை தி.ஜா போல் ஒருவராலும் கொண்டாட முடியாது என நிரூபிக்கும் இடங்களும் பல உள்ளன, அவையெல்லாம் ரசித்து தீராதவை.

ஆண்கள் அனைவரும் அவசியம் படித்து தங்களை சுய பரிசோதனை செய்ய வேண்டிய புத்தகம் இது. அனைவரும் அவசியம் வாசியுங்கள் நண்பர்களே !
Labels:

Comments

Post a Comment

Popular posts from this blog

மோட்சம் தாராயோ

வாழ்வில் வசந்தங்கள் தந்திட, என்னில் பாதியை ஏற்றிட , கை கோர்த்து இலக்கின்றி நடந்திட, மங்கும் மாலைகளை சேர்ந்து இரசித்திட, மடியினில் சாய்ந்து துயில் கொண்டிட, காதல் களித்து கொண்டாடிட, தோள் சாய்த்து துயர் நீக்கிட , அரவணைத்து அமைதி தந்திட , நம் கனவுகளை இணைந்து நனவாக்கிட , மெல்லிய சுரத்தினில் காதல் மொழி பேசிட , திகட்டாமல் தீராமல் காதல் செய்திட, உன் உயர்வு கண்டு நான் பூரித்து மகிழ்ந்திட, என்னை அழகாய் கொண்டு ரசித்து சிலாகித்திட, பரிசு பரிமாற்றங்கள் நடத்தி இரசித்திட, பேரன்போடு பெரு வாழ்வு வாழ்ந்திட , பிரிவுகள் வாட்டி வதைத்திட, கண் பார்வையிலே தீராக் கதைகள் பேசிட, கள்ளப் பார்வைகளில் உறைந்து மீண்டிட, இயற்கையை ரசித்து மெய் மறந்திட, புத்தகங்களில் புதைந்து தொலைந்திட,  பேரின்ப மழையினில் மழலையாய் ஆட்டம் போட்டு திளைத்திட, சில நிமிடம் நீடிக்கா செல்லச் சண்டைகள் போட்டிட, சுதந்திரம், சுய மரியாதையோடு முழு வாழுவு வாழ்ந்திட , கால் கொலுசின் இசை கோர்வைகளில் கரைந்திட , உன் பாதம் பிடித்து பரிகாரம் செய்திட, வெட்கம் கூடிய நின் பேரழகு முகத்தினை ஆராதித்திட ,.      ...
7 comments
Read more

மீட்பை நோக்கி - பயண அனுபவம்

எல்லோர் வாழ்விலும் மறக்க விரும்பா நாள் ஒன்று இருக்கும், என் வாழ்வில் அப்படியான ஒரு நாள் தான் அது. அது ஒரு வெள்ளிக்கிழமை அன்று மதியத்துக்கு மேலாகவே அலுவலகத்தில் இருப்பு கொள்ளவில்லை. காரணம் இல்லாத அதீத மன அழுத்தம், எதையாவது உடைக்க வேண்டும் போன்ற மனவோட்டம் இரண்டும் உருவாகியிருந்தது. நேரம் செல்ல செல்ல அந்த அழுத்தம் கூடிக்கொண்டே போனது. எதற்கும் அந்த அழுத்தம் கட்டுப்படவே இல்லை புத்தகம், நண்பர்கள் எதற்கும். மெல்ல அந்த அழுத்தம் தற்கொலை எண்ணமாக மாறுவதை உணரவே மனதில் பயம் வர ஆரம்பித்தது. திடீரென தனியாக எங்காவது பயணம் செல்வோம் அது உதவும் என தோன்றியது. நீண்ட நாள் ஆசையான தஞ்சாவூர் போகலாம் என முடிவு செய்து கிளம்பினேன்.  இப்பயணத்தில் கைபேசி இல்லாமல் மனிதர்கள் உதவி கொண்டே எல்லா விஷயத்தையும் செய்யணும்னு முடிவு பண்ணிக்கிட்டேன். முன்பதிவுகள் புகைப்படம் கூடாதெனவும் முடிவு.  சென்னை கோயம்பேட்டில் இருந்து ஒரு அரசு விரைவு பேருந்தில் ஏறிக்கொண்டேன். பின் பகுதியில் தான் இடம் இருந்தது மெல்ல உள்ளே சென்றேன் ஜன்னல் ஒர இருக்கையில் ஒரு பையன் அமர்ந்திருந்தான். அவனது வசீகரிக்கிற, சுறுசுறுப்பான முகம் மன...
4 comments
Read more

அருள் ஜெகன் எனும் தேவதை

அருள் ஜெகன் அண்ணனை பற்றி எழுத வேண்டும் என நினைத்ததுமே  கருணையும், தாய்மையும் சேர்ந்து ஒரு தேவதையாகவே அவன் மனதில் உருப்பெற்றான். மேலும்  இக்கட்டுரைக்கு தேவதை எனும் தலைப்பே வந்து நிலைபெற்று விட்டது. எவ்வளோ யோசித்தும் தேவதையை தாண்டி வேறு வார்த்தை ஏதும் தோன்றவே இல்லை. அருள் ஜெகன்  எனது கல்லூரியில் படித்த அண்ணன். நம் சமூகத்தின் அங்கீகரிக்கப்பட்ட அல்லது மதிக்கப்படும் அடையாளங்களின் படி அவன் ஒரு மென்பொருள் பொறியாளன். அனால் என்னளவில் அதெல்லாம் ஒரு பொருட்டே அல்ல நண்பர்களே. மாறாக அவனது தேவதை அவதாரமே நாம் அவசியம் தெரிந்து கொள்ள வேண்டியது. அவனது தேவதை கதைகளின் வழியாக அவனை உங்களுக்கு அறிமுகம் செய்வதையே விரும்புகிறேன். அவ்வாறு அவன் உங்கள் மனதில் பதிவதையே அவனுக்கான சிறந்த அங்கீகாரமாக கருதுகிறேன்.  உண்மையில் இந்த மாதிரியான எந்த அங்கீகாரத்தையும், பெருமைகளையும் அவன் சட்டை செய்வதில்லை.  அதனாலேயே அவன் என் மனதில் தேவதை எனும் உருவம் கொள்கிறான். பொதுவாக கல்லூரியின்  இறுதி ஆண்டு படிக்கும் எல்லோரும் குறிப்பாக இயந்திரவியல் துறை மாணவர்கள் ஊர் சுற்றுதல், நண்பர்கள் இல்லத்திற்கு செல...
6 comments
Read more